'O tiempo d' 'e limone e ditt' 'o tiempo d' 'e limone
M'e fatto ascì pe' dint' 'e rrecchie 'sti limone
E dimme solo na parola parulella maliziosa
Pe' chella vocca rossa rossa deliziosa
Verminosa surecilla surecilla fastidiosa
Vocca bastarda cu na lengua 'nfracetosa
E dice po' vene 'a staggione e sarrà na rivoluzione
Na bella mucca carolina dint' 'o cazone
Dint' 'o cazone cunsumato vocca fatte dà nu vaso
Nu vaso 'mmocca 'nturcigliato dint' 'o naso
Piezz' 'e core 'e nu cardillo bastardiello 'nnammurato
'E chella bella vocca rossa 'nzuccarata
Vocca rossa vocca amara vocca persa
Vocca rossa rossa
Vocca rossa
Vocca fatte dà nu vaso
Vocca amara
Sputazzata cancrenosa
Vocca persa
Fuoco ca m' abbruscia 'ncapa
Vocca rossa rossa.
Passione mia 'nzevosa pizzaiola capricciosa
Vocca salata cu na lengua giudiziosa
Premurosa zingarella int'a 'sta vocca scustumata
Pìgliate 'o core mio 'stu core abbandunato
Fruscolillo bell' 'e mamma bastardiello sfurtunato
Sfurtuna mia dint' 'a chella vocca appassiunata
Addà venì baffone 'o tiempo d' 'e limone amare
Spremmute dint' 'e vvene secche comme 'o ssale
Labbra 'e sanghe amaro 'e vocca 'e zucculella accisa
Labbra cunsumate 'e sputazza 'e malavita
Sciore cundannato a na passione ogna 'ncarnata
'Ncarnata dint' a chella vocca toja dannata.
Vocca rossa vocca amara vocca persa
Vocca rossa rossa
Vocca rossa
Vocca fatte dà nu vaso
Vocca amara
Sputazzata cancrenosa
Vocca persa
Maledetta 'nfracetosa
Vocca rossa rossa.
Addà venì baffone 'o tiempo d' 'e limone amare
Spremmute dint' 'e vvene secche comme 'o ssale
Labbra 'e sanghe amaro 'e vocca 'e zucculella accisa
Labbra cunsumate 'e sputazza 'e malavita
Sciore cundannato a na passione ogna 'ncarnata
'Ncarnata dint' a chella vocca toja dannata.
Vocca rossa vocca amara vocca persa
Vocca rossa rossa
Vocca rossa
Vocca fatte dà nu vaso
Vocca amara
Sputazzata cancrenosa
Vocca persa
Maledetta 'nfracetosa
Vocca rossa rossa.
Amore Amaro Amaro Ammore
Passione ca schiatta
'e tunsille e nun respire
Anema prena 'e cravune 'e fuoco
Ca sgrava diavule e canzone a sentimento
Amore Amaro larva azzeccosa
M'hê cucinate a purpetielle aneme e core
Brore cucente pe dint' 'e vvene
T' 'o zuche a surzo e te ne futte r' 'e canzone...
Ammore mio
va vattenne
I' 'a cca nun me movo
Tu va i' me resto a durmì
Frienne magnanne è passato 'nat'anno
..e 'nat'anno passarà
Maronna da neve
Tu si' marmo jacciato
Pecché m'hê grazziato
E nun me fai murì
Sta cagnanno 'o tiempo porta tempesta
E 'o fridde 'ncuollo già m'o sento rint' all'ossa
Porta bufera o fra' e pe' tutta 'a notte
Chist'uocchie miei chiovene lacreme lucente
Amore Amaro Amaro Ammore
Me sfunne 'e rine senza 'nu felillo r'uoglio
Cumpagno d'o mio stai cca'notte e juorno
E 'o ssai ca si nun te ne vaie
me ne vach'io...
Ammore mio va vattenne
I' ccà facce 'e vierme
Tu va i' me metto a durmì
Frienno magnanno
è passato 'nat'anno
..e ‘nat'anno nun passarà
Maronna d'a neve
N'hê fatte cazzate
Pecché m'hê grazziato
Pe' nun farmi murì
Maronna busciarda
tu m’hê abbandonato
Cu te m’hê pigliato
Pe’ farme murì.
Testo di Canio Loguercio - Musica di Canio Loguercio e Rocco De Rosa
Registrazione e Missaggio: Paolo Modugno c/o O.A.S.I. Studio, Roma
Canio Loguercio: Voce, chitarre, ritmica, programmazione
Rocco De Rosa: Pianoforte, tastiere
